]coloنكت مغربية
واحد المعلم سول التلميذ: علاش تعطلتي؟
قال ليه الولد: واحد الراجل كان كيقلب على 100 درهم ديالو
المعلم: مزيان، هي كنتي كتعاونو يقلب عليها
التلميذ: لا، كنت حاط رجلي عليها
هادي واحد الطلابة قالت لواحد المعلم: الله يرحم الوالدين عطيني باش نفرح الدراري
قال ليها: سيري قولي ليهوم راه ما كايناش القراية غدا
قال ليك هادا واحد مشى عند مول المحلبة وقال ليه: بشحال التفرتيت؟ قال ليه مول المحلبة: فابور
قال ليه خينا: إيوا فرتت ليا عافاك واحد تلاتة ديال ميل فوي
هادي واحد البنت نص ساعة وهي كتهدر ف التلفون.
مللي سالات قالت ليها ختها: على سلامتك! كي درتي ساليتي ف نص ساعة؟ عادة كتشدي التلفون ساعتين
قالت ليها البنت: اه، راه غير النمرة غلط
هادا واحد خينا مشى عند الطبيب وقال ليه: كلشي كيضرني. إيدي، رجلي، كرشي، صدري.... اللي حطت عليها صبعي كضرني
دوز ليه الطبيب وما لقى عندو والو. وهو يقول ليه: أرى كاع داك الصبع نشوفو.
وهو يلقاه مهرس ليه صبعو
هادا واحد مشى لواحد العرس و بدا ياكل ياكل ياكل حتى بغات كرشو طرطق
قالوا ليه: أدير صبعك ف فمك باش ترد
قال ليهم: كون بقات بلاصة فين ندير صبعي كون كليت مازال بنانة
هادا واحد غير دخل الامتحان ديال الباكالوريا و دغية خرج.
قالو ليه: مالك خرجتي دغية؟
قال ليهوم: قال ليا الوالد جي نتا اللول
هادو شي رجال جالسين ف القهوة، ناض واحد قال ليهوم: اللي كيخاف من مرتو ينوض يجلس اللور.
ناضوا كاملين إلا واحد. سولوه: نتا ما كاتخافش من مرتك؟
قال ليهوم: راه قالت لي سير للقهوة وما تحركش حتى نجي
r=blue][/color]